СРЦ системска интеграција во 2008 година склучи договор со Царинска управа на Република Македонија за имплементација на интегриран информационен систем кој содржи решенија за планирање на ресурсите (ERP) и документ менаџмент систем (DMS).

Иницијалниот проект беше дизајниран за да ги компјутеризира и автоматизира огромниот број секојдневни бизнис процеси и текови на документација  покривајќи ги сите Царинарници и Дирекцијата кои ја сочинуваат Царинската управа на Република Македонија.

 

Во текот на 2009 година, СРЦ направи неколку проширувања на веќе поставениот систем со цел да се постигне поголем опфат во автоматизацијата на работните процедури вклучувајќи:

·         Комплетно следење на водењето на работните постапки вклучувајќи различни законски постапки со можност да се надгледуваат и контролираат нивните временски рамки,

·         Детално следење и контрола на судските постапки и постапките на застапување,

·         Модул за работа со фактури, од процесот на електронско евидентирање на сите фактури, електронски процес на одобрување и контрола на истите и надгледување на плаќањето и процесот на ликвидација.

Од 1ви Јануари 2010, преку еДМС системот  овозможи целосна покриеност на сите интерни, влезни и излезни документи на ЦУРМ во електронска форма.

еДМС системот моментално е користен од  страна на скоро сите вработени  во ЦУРМ од кои повеќе од половина работат со системот секојдневно.

 

Предностите од имплементацијата на еДМС опфаќаат неколку сегменти:

·         Наоѓањето на стари документи е во неколку секунди;

·         Дистрибуцијата на документацијата е направена автоматски и брзо;

·         Пристапот до документите е стриктно дефиниран и ограничен од самиот систем;

·         Менаџерскиот тим има целосен пристап – системот нуди преглед (детална статистика) преку кој е овозможен јасен мониторинг на состојбите на сите предмети и овозможува аларми доколку одредени предмети излегуваат од одредената временска рамка;

·         Работењето е целосно во согласност со поставените правила за работа и квалитет;

·         Од организациски аспект најголемата корист од овој систем е трансферот на одговорност при доделување на предмети.  Сега секоја организациона единица е одговорна за своите предмети за разлика од стариот начин на работење кога архивата беше одговорна за распоредување на документите на управата. Сега организационите единици доколку е потребно сами вршат трансфер на документите и предметите без посредство на архивата.